平时小编成日上深圳广州玩,写唔少介绍,但其实近近地仲有一个地方都好靓,好有文青气息,就系厦门啦,小编同大家整理几个景点,只要错开五月同十月黄金周,其实都可以轻松去游玩喔!
#南普陀寺
南普陀寺免费开放,呢度超多游客,门口有香可以领,大家可以系度逛一下,但小编主要系讲呢度附近有好多小店,大家可以去寻宝啊!
#万石植物园
其实呢度之前小编有介绍过,门票RMB40,学生证半价,下午2点至4点热带雨林区会有喷雾,影相超靓!
唔少人都会黎呢度婚摄,一定要看准时间去哦!建议大家如果为影相去,可以准备多一套衫,除因为出汗要换之外,仲因为呢度仲有超大仙人掌园,一次影到唔同风格相!详情请睇∶
厦门游乐团 打卡一日系行唔晒架 万石植物园
厦门仙人掌园 沙漠Feel风格图无难度!
#曾厝埯
建议夜晚去扫街,基本上全部都系各种小吃,好热闹,呢度都有好多手信,不过似乎比其他地方贵 少少,胜在一次过采买比较方便。
#鼓浪屿
鼓浪屿可说是厦门最出名景点之一,去鼓浪屿至少要提前三日系微信公众号或者官网上定船票,RMB35来回,终点选择三丘田码头就可以直接到景点附近啦!到步第一件事就要去手信店买本盖章薄,可以系度集到各式各样唔同特色印章~风琴博物馆、钢琴博物馆可以免费参观,仲有好多文化遗产建筑需要买票入场,如果你系学生一定要带学生证买半价飞啊!最美转角同转角遇到爱拍摄地都可以打卡,不过注意呢度人非常多,大家最好有心理准备影相要速战速决。
鼓浪屿都唔少网红美食∶张三疯奶茶,赵小姐的店,粑同鱼丸都唔错架!返程要排好耐队上船,可以坐去中山街附近轮渡码头,夜晚就可以直接去中山街行啦!
#沙坡尾
沙坡尾系一个艺术街区,如果你系文青系朋友一定会喜欢呢度。厦门文艺气息好重,比深圳广州更多文青热点喔,就算你本身唔系一个好有文青气质,都不妨黎体会一下厦门文化风气啊!
#世贸双子塔
就系沙坡尾附近,系度可以玩空中漫步,系塔顶俯瞰厦门全景,小编表示怕怕。
#环岛南路音乐广场
大家可以系度租架单车黎环岛路骑行,天气好话仲可以见到粉色夕阳,真系好靓!
#厦大芙蓉隧道
芙蓉隧道只有晚上对游客开放,入面全部都系学生对厦大回忆,超青春!呢度超多人,大家要排队先可以影相喔!不过其实厦大附近仲有好多文青Cafe,本身大学入面都好靓,建议黎饮个下午茶,再行下厦大,先去芙蓉隧道打卡。
#吉冶百货
厦门同台湾一样,都出名闽南食品,小编之前介绍过呢间阿吉仔饼铺,虽然唔可以讲 系最好食,但真系好靓,手信一流!最主要系呢度超有怀旧气息,又系打卡时候啦!
#泡泡屋
泡泡屋绝对是网红拍照圣地,系度可以见到超多花枝招展女仔系度影相打卡,如果你都想系度影相,一定要早少少去,除因为人多,更多系因为呢度中午时间真系好热,唔想个妆花晒就要早起了!
#猫街
猫街唔大,有一间猫咪博物馆,不过脑奴们一定要去睇啊,全部都系猫,超可爱~ 附近都有唔少小小店铺,间间都好多特色,有兴趣可以慢慢一间一间逛逛。
#白城沙滩
去到 和暖地方点可以唔踏下浪呢?白城沙滩就系一个好去处,随便影都有热带旅游感觉。
#Thank you Cafe
小编真心推荐Thank you Cafe,打卡一流,店外店内都好有Style,食物都唔错,价钱唔算贵。呢度日头系Cafe,夜晚系酒吧, 日夜不同风情。食完仲可以慢慢行去附近商场或夜市行街,超方便。详情请睇∶
图片来源∶google图片及小编自摄